مزاجي النهارده

My Unkymood Punkymood (Unkymoods)

User login

Site Management

Primary Links:

Writers

قلبي بيدق بمزاجه

انا قلبي بيدق بمزاجه
وكل تلات دقات..
يعدي دقه..
اقوله مالك..
يقول مافيش..
يا عم مالك...
يقول مافيش...
بتحب..
يقوللي لأه...
عجزت...
يقوللي لأه...
انا بس بفكرك..
انك مش حمل زقه..
ما انا قلبي..
غلس غلاسه...
اقوله الدنيا حلوه..
يقوللي بلاش سياسه..
وبيرفض الحراسه..
و يطير يحلم يغني..
و يحب غصب عني...
علني وف الخباسه..
ويرجع يدق بمزاجه..
وكل تلات دقات...
يعدي دقه
 
علي سلامه 
Posted in Submitted by shaimaa on Wed, 2007-08-22 02:01.

خد وادى معاي

خد وادى معايا
وقولى كلام غير اى كلام
ولا الدنيا خلاص والناس بطلوا حب واحلام
طب أقولك
أحكيلى حدوتة لحد ما أنام
والعبلى فى شعرى
بقاله سنين مشدود ع البكر
فى بطاقتى الشخصية
مثبوت أن أنا أنثى وأنك دكر
الميه الرايقه بقالها سنين وملاها العكر
كان صيف وشتا وخريف ومطر
جرب تعزف
يمكن لسه جوايا حاجات
دور جوايا تلاقى حاجات وحاجات وحاجات
ضحك لفوانيس
وعروسة وعريس
ودلع ومياصة ولقم بنات
محتاجه لحزن وفرح ودمع ساعات
جرب تعزف
يمكن لسه جوانا نغم وعجب ودهب
وسامحنى
سامحنى ان كنت صريحة معاك الفجر وجب
شايفاك فى عيونك نار وغضب
سامعاك بتقول
ودى مين رباها بنت الكلب قليلة الأدب
 
علي سلامه
 
سرقتها من علي سلامه جروب الموجود علي
facebook
:-D
Posted in Submitted by shaimaa on Mon, 2007-06-25 16:30.
Syndicate content
Designed by Bent Masreya 2006