بعد حلقه احمد عز في العاشره مساء والثلاث صفحات في المصري اليوم 

جت علي بالي اغنيه زياد الرحباني شو ها الايام وخصوصا الكوبليه دا

بيقولولك من عرق جبيننو طلع مصاري لها الانسان...  طيب كيف هيدا وكيف ما لاقينه ومامره شايفينه عرقان

مش صحيح 

موش صحيح

موش صحيح الهوي غلاب

كلمتين جوا قلبي ومكنتش ناويه اطلعهم بس الاستفزاز هوا الي هيخليني اتكلم

بغض النظر عن الاضراب وعن كل الي بيتكلمو عنه 

وبرده  بغض النظر عن رايي فيه وفي مين يضرب ومين ميضربش

ومين اضرابه هيأثر اكتر زي ما "انجي قلب الاسد وكريم" قالو وقبلهم  ابويا

بس لما يملو الدنيا اعلانات ان محمد منير هيضرب هوا كمان دا الي يستفزني اكتر

لان محمد منير لو اضرب لمده سنه ولا هوا هيتأثر ولا الحكومه هتضايق

يمكن احنا بس كمستمعين هنقول امال الشريط بتاعه هينزل امتي

غير كده لا وللاسف ولا حاجه هتتغير حتي لو منير صام عن الاكل كمان مش اضرب بس 

كمان تاج اخدته من عند بلو

هل توافق علي حذف خانة الديانه من البطاقه الشخصيه؟

لا لا لا والف لا بس ولا هوا عنصريه ولا هوا تعصب ولا اي حاجه بس انا مش مع الغاء الهويه الدينيه حتي لو كانو مجوس يكتبوها مجوسي عادي عندي وهتعامل معاه اه انا مببصش في بطاقه اي حد بعرفه ولا بيهمني هوا دينه ايه وحتي لو ملوش دين متفرقش انما انا ضد الغاء الهويه الدينيه وموش هقول علشان خايفه لو حد جه يتجوزني وبعد كده اكتشف انه بيعبد الزومبي مثلا ونسي يقلي او خاف لا ازعل ولا حاجه لكن الفكره في ان الدنيا مهياش خلطبيطه الواحد برده يحب يبقي عارف هوا وافق فين علي الارض انا ضد الاضطهاد الديني لكن موش ضد الهويه الدينيه وبعدين انا بطلب بحقوقي ومن ابسطتها اني اعلن واقول للناس انا ديني ايه وان كان مش هيفرق معاهم في اي شيء فهوا يفرق معايا انا بس كده
 read more »

دا انا بسميه اضعف الايمان اننا نفضل فاكرين اليوم دا ونفتكر كويس قوي اننا لسه ماخدناش بتار الناس دي اللي كان كل همها انها تدافع عن البلد دي من غير اي حاجه

لازم نفضل مصريين علي اننا ناخد حقنا

زي ما زينوبيا قالت احنا مش اقل من الناس اللي بتطالب بحقوق اسراهم احنا مش اقل من الصهاينه نفسهم في اننا نطالب بحق اسرنا زي ماهما لحد دلوقتي بيطالبو بحقهم في حاجات فيها نسبه مبالغه عاليا قوي

دا الموقع اللي زنوبيا عملته وماليان معلومات عن الاسري وعن اللي حصل ومترجم بالانجليزي لاننا فعلا مش هنفضل نكلم نفسنا كتيير

انا عندي شويه فيديوهات كده عن الموضوع دا هدعبس عليها في الجهازوهرفعها