زي ما يكون في حاجه كده كل مهمتها ف الحياه انها تدوس عليك لو انت واقع

ولما تشوفك واقف علي رجلك تاني تروح مكعبلاك علشان تقع تاني وتروح دايسه تاني وهيا بتقلك والنبي ما انت قايم خليك كده.... تحت

مفعوص

:'(

موش قادره اكتب حاجه

ولا قادره اقول اي حاجه

مع ان جوايا حاجات كتير قوي عاوزه تطلع بس موش قادره حقيقي اكتب حرف

ولا حتي علي سبيل الهزاراو الضحك

:-/

انا خايفه قوي

خايفه اقول ايوا وارجع اعيط

وخايفه اقول لاء وارجع اندم

خايفه ان بكره يجي لاني مش عارفه اقول اييه

اقول ايوا ولا اقول لاء؟؟

عندي حاله غريبه بقالها فتره بتحصلي

كل شويه اقعد افتكر حاجات قديمه عملتها والظريف انها دايما حاجات غلط واقعد الوم نفسي واقول ماهو انا لو كنت بني ادمه بتفهم وعندها احساس مكنتش عملت كده

ماهو انا لو بفكر مكنتش حطيت نفسي في الموقف دا

الغريب اني دايما بنسي حاجات كتيره بتحصل في الفتره القريبه اللي انا فيها يعني لو قابلت حد اول مره وقعدت فتره مشفتوش وجيت شفته تاني بقعد فتره افتكر مين دا

ولو حد من اصحابي شفته في الشارع ممكن اعدي من جنبه ومسلمش- دا بقي عدم تركيز وضعف نظر-

بجد بقالي فتره علي الحاله دي افتكر واضايق وكمان بفتكر ناس خلاص العلاقات انقطعت معاهم من زمان سواء كانت علاقات حلوه او وحشه

وفي الغالب بفتكر الوحشه وبفتكر كل حاجه حصلت الخناقات الكلام الاماكن كل حاجه كل حاجه بجد بجد حاجه تخنق

عاوزه اتخلص من الحاله دي

عاوزه ابطل تفكير في الزكريات القديمه
 read more »

من زمان وانا صغيره كنت بحس اني لما هوصل لسن 25 سنه هبقي حاجه في المجتمع

مش عارفه ايه هيا بس دايما كنت بحس بكده

علي اضعف الايمان هبقي متجوزه مثلا وعندي بيبي بلعب بيه

وكان ليا افكار كتيره وامنيات كتيره قوي وكنت دايما معتقده وحاطه في دماغي اني هكون نفذتها وانا عندي 25 سنه

كان بالنسبه ليا رقم بعيد قوي

يمكن لما قريت تدوينه رضوي عن مضي ربع قرن

كان في حاجات كتيره هيا قالتها كان نفسي تحصل منها ان شعري يبقي زي شعر مي عبد النبي

:D

لكن اهو كملنا الربع قرن زي ما بيقولو عملت ايه؟

ولا حاجه

يمكن لاني فعلا انسانه كسوله وبحب اعمل الحاجات بمزاجي يعني ولا مجبره ولا تحت ضغط  read more »