زي ما يكون في حاجه كده كل مهمتها ف الحياه انها تدوس عليك لو انت واقع

ولما تشوفك واقف علي رجلك تاني تروح مكعبلاك علشان تقع تاني وتروح دايسه تاني وهيا بتقلك والنبي ما انت قايم خليك كده.... تحت

مفعوص

:'(

موش قادره اكتب حاجه

ولا قادره اقول اي حاجه

مع ان جوايا حاجات كتير قوي عاوزه تطلع بس موش قادره حقيقي اكتب حرف

ولا حتي علي سبيل الهزاراو الضحك

:-/

طيب علشان خاطر كريم والست امينه بس اجاوب التاج دا

أحب شخص لقلبك فى الدنيا ؟

طيب انا هستثني عيلتي لانه شيء مفروغ منه

لا هما كتيير بس ممكن نقول اسم واحد من الاسامي وهيا سها في كازا حد بس دا اول اسم بيجي علي بالي لما بتسئل السؤال دا دايما

انسان مستعد تضحي بحياتك – ركز فى كلمة حياتك - عشانه؟

تفتكر انت في حد ممكن نعمل علشانه كده؟

:-D

انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك ؟

هوا الطبيعي بتاعي اني مبعرفش اكره حد بس لما بكره حد بكره لحد اكبر من الجنون لدرجه اني ممكن اعمل فيه اي حاجه مش اغرس سكينه في قلبه بس  read more »

حاسه اني بطاريه وشحنها خلص

ومش عارفه تشحن ازاي

عاوزه ابعد عن كل حاجه لفتره كده علشان اقدر ارجع زي ماانا

بس مش عارفه ابعد

معرفش لييه كده تنحت للدنيا فجاءه

ايه يابنتي اللي عملتيه دا

ياختي بلا نيله

بهدلتي الواد

ايه الجديد يعني ؟ وبعدين هيا دي اشكال حد يبصلها

انتي مالك نفريه كده؟

اهو بقي خلقه ربنا

عاوزين نفرح بيكي بقي

لا مليش نفس

ليه كده

اهو بقي مزاجي كده

طب في حد؟

ولا حد ولا اتنين ولاحتي تلات

امال اييه؟

اديني مستنيه يمكن !!! عارفه وديني بس لما اشوفو هعضه او هبطحو

طلما ناويه ليه علي النيه دي يبقي مش هيجي هيخاف

طلما هيخاف يبقي خليه بعيد بقي مش ناقصين تلزيق