كمان تاج اخدته من عند بلو

هل توافق علي حذف خانة الديانه من البطاقه الشخصيه؟

لا لا لا والف لا بس ولا هوا عنصريه ولا هوا تعصب ولا اي حاجه بس انا مش مع الغاء الهويه الدينيه حتي لو كانو مجوس يكتبوها مجوسي عادي عندي وهتعامل معاه اه انا مببصش في بطاقه اي حد بعرفه ولا بيهمني هوا دينه ايه وحتي لو ملوش دين متفرقش انما انا ضد الغاء الهويه الدينيه وموش هقول علشان خايفه لو حد جه يتجوزني وبعد كده اكتشف انه بيعبد الزومبي مثلا ونسي يقلي او خاف لا ازعل ولا حاجه لكن الفكره في ان الدنيا مهياش خلطبيطه الواحد برده يحب يبقي عارف هوا وافق فين علي الارض انا ضد الاضطهاد الديني لكن موش ضد الهويه الدينيه وبعدين انا بطلب بحقوقي ومن ابسطتها اني اعلن واقول للناس انا ديني ايه وان كان مش هيفرق معاهم في اي شيء فهوا يفرق معايا انا بس كده

ما رايك في المثليين؟هل تري انها حرية شخصيه؟ هل توافق علي الاعتراف بالمثليين؟هل لك اصدقاء من المثليين؟

احم والله رايي في النقطه دي صعب برده يعني انا ولا بطيق المثليين ولا ببقي عاوزه اعرفهم اصلا ولا بعترف بيهم بس للاسف انهم موجودين وبقو واضحين جدا ومش بيتكسفو انهم يقولو كده كانها عادي سبحان الله علي بجاحتهم مشكلتهم الحقيقيه انهم موش حاسين انهم ضد الطبيعه البشريه الي ربنا خلقها جوا كل كائن حي موش كل انسان يعني انا عمري ما شفت حصان بيعجب بحصان زيه لا بيعجب بفرسه مؤنثه لانه مذكر انما 2 مذكر و2 مؤنث دي موش عارفه افهمها لحد دلوقتي

اصدقاء ممممم انا كنت اعرف صديق موش مصري بس كان عايش هنا وكان مخبي حقيقته دي بس اتعرفت وحقيقي علي قد ما قرفت منه علي قد ما صعب عليا لان الناس مرحمتهوش ومراعوش انه في رايي الشخصي مريض نفسي ومحتاج علاج

هل تعتقد بوجود اضطهاد للمسيحيين في مصر؟

ايوا في اضطهاد بنخطف اولادهم ونعملهم روستو ونخطف بناتهم ونحشيهم فريك بيبقو الذ من الحمام علي فكره

حقيقي في حياتي مبكرهش موضوع قد دا ولا بحب اتكلم فيه كلنا للاسف في بلدنا بناخد فوق دماغنا فمتجيش تقلي مسلمين ومسيحيين لما الاول تضمن كوبايه المايه اللي انت بتشربها نضيفه ولا لاء لما تلاقي رغيف عيش ترضي انك تاكله موش الفراخ والكتاكيت يقرفو ياكلوه نبقي نتكلم بقي في اضطهاد المسيحين والمسلمين وليه اليهود سابو مصر كمان

من هو الشخص الذي تختاره لرئاسة الجمهوريه؟

المعلم حسن شحاته

حقيقي السؤال دا انا شفته كازا مره بس موش عارفه اجاوبه بس كل اللي اقدر اقوله نفسي ف حد يتقي ربنا ف الناس ويكون عارف انه رئيس شعب من البني ادمين موش مجرد قطيع وهيمشيهم علي مزاجه

لا موش لاعبه

لا اللي يحكم يبقي مصري ولا يكون معلق في رقبته صليب ولابس اسود ولا يكون دقنه طويله وجلابيته بيضا وقصيره

ما هي افضل مدونه زرتها؟

مطلق بقي

والله معرفش يمكن اه يمكن لاء مفكرتش في النقطه دي قبل كده بس غالبا هيبقي اول سؤال وانتو اطلقتو ليه اصلا؟؟

اذا انجبت ولدين و بنتين ، فاي الاسماء ستختارها لهم؟

انا كان نفسي يبقو سته

بس دا صعب قوي قوي غالباهيبقو اتنين

يعني الولاد ممكن عمر او بلال اوحمزه او يوسف البنات ممكن عاليا او حفصه او ليلي او مريم

Who knows maybe yes maybe no

ما هو افضل انجاز لمبارك ؟ و ما هو اسواء سقطات حكمه؟

موش عارفه