يعني وبعدين الجو دا مش ناوي يتعدل بقي

شويه الجو يبقي حر والواحد يبقي شبه الفرخه المسلوقه وهيا لسه طالعه من الحله

ويوم تلج وهوا عامل زي الصواريخ وتبقي ماشي حاسس انك بتتزق

ومره يبقي مكس مره الصبح حر نار وبليل تلج

كل دا ممكن ونقدر نتحمله

انما التراب بقي دا لا لا لا لا

انا بيجيلي ضيق تنفس مع خنفان لطيف بسبب التراب المره اللي فاتت من شهر لما الجو كان اصفر كنت هموت من الخنقه مقدرتش اتنفس خالص

والمشكله مش تنفس بس المشكله عيني كل حبه يطلع فيها دمل امور صغيور كده يبقي عامل زي الشوكه جوا عيني

بسبب التراب برده

نفسي الاقي حل للتراب دا بيدخل من كل حته

يعني انا دلوقتي قفلت الشباك خالص وقفلت الزجاج وبرده كل حبه اسمع صوت الهوا والاقي تراب يدخل عيني

انا والكمبيوتر خلاص اتردمنا

الجو بصراحه شديده قله ادب يعني 

العنوان محرف من الجمله الاعلانيه الحياه بقت اورجانك *